შუა საუკუნეების ევროპელი მეკობრეები, რომელთა შორის განთქმულები იყვნენ ჰენრი მორგანი (1635-1688), ფრენსის დრეიკი (1540-1596), ედუარდ ტიჩი 1680-1718), უფრო ცნობილი, როგორც შავი წვედი, უილიამ კიდი (1645-1701), უილიამ დამპირი ( (1651-1715)… უდიდეს ქონებას ფლობდნენ, და ლეგენდების თანახმად, მალავდნენ სამალავებში…
დღემდე მეკობრეების რამდენიმე სამალავი და განძია აღმოჩენილი.
1) სამალავი კუნძულ მონაზე, ჰაიტისა და პუერტო–რიკოს შორის, აღმოჩენა გაკეთდა 1939 წელს, იპოვეს ოქროს მონეტები, რომლებიც, სავარაუდოდ, მეკობრე უილიამ ჯენინგს ეკუთვნოდა. ოქრო გაიყიდა აუქციონზე 1 მილიონ დოლარად.
2) ესპანური გემი ” «ნუესტრა სინიორა დე ლა კონსეპსიონი” იპოვეს ჰაიტისთან 1977 წელს, იგი ჩაიძირა 1641 წელს. გემზე იყო ოქროს სამკაულები და 32 ტონა! ვერცხლის მონეტები და ზოდები. გაიყიდა ეს ყველაფერი აუქციონზე 14 მილიონ დოლარად.
3) მეკობრული გემი “უაიდა”, რომელიც ჩაიძირა 1717 წელს ფლორიდის ნაპირებთან, გემი იპოვა ბარი კლიფორდმა 1984 წელს. მისი საგანძური 15 მილიონ დოლარად გაიყიდა.
4) 21 საუკუნეში ინგლისელმა მეცნიერმა და დაივერმა მაიკლ ჰეტჩერმა აღმოაჩინა ჩინეთის სანაპიროზე ჰოლანდიური გემი. მასზე იყო 100 000 ფაიფურის ჭურჭელი, ოქრო და ვერცხლი. განძი გაიყიდა 100 მილიონ დოლარად. აღმოჩენა ჰეტჩერმა შემთხვევით გააკეთა, იგი ფლორისა და ფაუნის შესასწავლად ყვინთავდა.
5) 2007 წელს გიბრალტარში იპოვეს ჩაძირული ესპანური გემი, რომელზედაც 500 000 ოქროს და ვერცხლის მონეტა იყო. განძი ამერიკელებმა იპოვეს, მისი ფასი 370 მილიონი დოლარი იყო. მათ საბოლოოდ, მოუწიათ ამ ქონების ესპანეთისთვის დაბრუნება, რადგან აღმოჩენა არ იყო ლიცენზირებული.
